مقبوضہ کشمیر، جھڑپ میں میجر سمیت تین بھارتی فوجی ہلاک اور 2 نوجوان شہید

سرینگر: مقبوضہ کشمیر میں بھارتی فوج نے ریاستی دہشت گردی کا مظاہرہ کرتے ہوئے 2 نوجوانوں کو شہید کردیا جبکہ جھڑپ میں میجر سمیت دو بھارتی فوجی مارےاور ایک زخمی ہوگیا۔

کشمیر میڈیا سروس کے مطابق ضلع کلگام کے علاقے گوپال پورہ میں بھارتی فوج نے محاصرہ کرنے کے بعد سرچ آپریشن کے دوران دو نوجوانوں عاقب احمد اور سہیل احمد کو شہید کردیا۔ بھارتی فورسز نے دعویٰ کیا کہ دونوں نوجوان عسکریت پسندجن کا تعلق حزب المجاہدین سے تھا اور انہوں نے یکم مئی کو حملہ کرکے 5 پولیس اہلکاروں سمیت 7 سیکیورٹی اہلکاروں کو ہلاک کیا تھا۔

یہ بھی پڑھیں: بھارتی فوج کے ہاتھوں مزید 3 کشمیری شہید

دوسری جانب بھارتی افواج نے ضلع شوپیاں کے گاؤں زئی پورہ کا محاصرہ کرلیا جس کے دوران عسکریت پسندوں سے جھڑپ میں میجر سمیت دو بھارتی فوجی مارے ۔

علاوہ ازیں کٹھ پتلی حکومت نے احتجاج کو روکنے کے لیے جنوبی کشمیر میں انٹرنیٹ سروس بند کردی ۔