انوپم کھیر کے ٹوئٹر اکاؤنٹ پر’’آئی لو پاکستان ‘‘

’انوپم کھیر ان دنوں امریکا کے شہر لاس اینجلس میں موجود ہیں
فوٹو:فائل

 ممبئی: بھارتی ادکار انوپم کھیر
کا ٹوئٹر اکاؤنٹ ہیک کرلیا گیا جب کہ ہیکر نے اس پر ’’آئی لو
پاکستان‘‘ کا پیغام لگادیا۔

بھارتی میڈیا رپورٹس کے مطابق اداکار انوپم کھیر کا ٹوئٹر اکاؤنٹ
ہیک کرکے اس پر ترکی کا جھنڈا پوسٹ کردیا گیا جب کہ ساتھ ہی ترکش
زبان میں کوئی پیغام بھی لکھا گیا لیکن ہیکر نے پوسٹ کے آخر میں
انگریزی میں ’آئی لوپاکستان‘  بھی لکھ دیا۔

ٹوئٹر کی جانب سے بھی ایک پوسٹ میں کہا گیا کہ بھارت میں ہمارے
ایک صارف کی پریشانی کو جلد ہی دور کردیا جائے گا۔

Our teams are working to resolve an issue affecting a small
number of Indian users. We will notify affected account
holders directly. Reminder: do not click on links in DMs
coming from unknown accounts. For security advice & best
practice, read here: https://t.co/Wb8g07EjfD

— Twitter Support (@TwitterSupport)
February 6, 2018

دوسری جانب سماجی رابطے کی ویب سائٹ فیس بک پر اداکار انوپم کھیر
کا کہنا تھا کہ میرا ٹوئٹر اکاؤنٹ ہیک کرلیا گیا ہے جو مجھے متعدد
دوستوں کے ذریعے پتہ چلا تاہم میں اس وقت لاس اینجلس میں موجود
ہوں اور ہیکنگ کے حوالے سے ٹوئٹر انتظامیہ سے بات ہوگئی ہے۔