عاطف اسلم کی آوازایک اور بھارتی فلم میں شامل

ممبئی: پاکستان کے معروف گلوکار عاطف اسلم کی آواز ایک اور بھارتی فلم میں شامل کی گئی جس میں انہوں نے عرفان خان اور صباقمر کی فلم ’’ہندی میڈیم‘‘ کے لیے گیت ریکارڈ کرایا ہے۔
پاک بھارت کشیدگی کے بعد گزشتہ سال سے بھارتی پروڈیوسرز ایسوسی ایشن کی جانب سے پاکستانی گلوکاروں اور اداکاروں  کے انڈسٹری میں کام کرنے پرپابندی عائد ہے‘ لیکن کئی بھارتی فلم پروڈیوسرز اب بھی پاکستانی گلوکاروں اور فنکاروں کے ساتھ کام کرنے کے خواہشمند ہیں‘ اور اسی کے پیش نظر اب پابندی کے باوجود عاطف اسلم کی آواز ایک اور بھارتی فلم میں شامل کرلی گئی ہے۔
بھارتی میڈیا رپورٹس کے مطابق بالی ووڈ اسٹار عرفان خان اور پاکستانی اداکارہ صباقمر کی فلم ’’ہندی میڈیم‘‘میں عاطف اسلم کی آواز بھی شامل کرلی گئی ہے‘ اور انہوں نے فلم کے لیے ’’حور ‘‘گیت ریکارڈ کروایا ہے‘ جس کی موسیقی سچن جیگار نے دی ہے‘ جب کہ ہدایتکار سکیت چوہدری نے گیت کو مرکزی کرداروں پر فلمایا ہے‘ جس کی شوٹنگ گزشتہ دنوں جارجیا میں کی گئی جہاں عاطف اسلم بھی موجود تھے۔
دوسری جانب عاطف اسلم کا کہنا تھا کہ بھارتی مداحوں نے ہمیشہ سے میری آواز کو پسند کیا ہے‘ اور امید ہے‘ کہ نئے گیت کو بھی پسندکریں گے۔ واضح رہے‘ کہ عاطف اسلم کئی بھارتی فلموں میں آواز کا جادو جگا چکے ہیں‘ جس میں ’’ بھرنگی بھائی جان‘‘،’’بدلہ پور‘‘ سمیت ’’رستم ‘‘شامل ہیں۔
روزانہ خبریں اور اس کی پالیسی کا کمنٹس سے متفق ہونا ضروری نہیں۔