چیئرمین پی سی بی نجم سیٹھی کو توہین عدالت کا نوٹس جاری

عدالت نے چیئرمین پی سی بی سے احکامات پر عمل درآمد نہ کرنے پر روز میں جواب طلب کرلیا. لاہور: پاکستان کرکٹ بورڈ کے چیئرمین نجم سیٹھی کو توہین عدالت کا نوٹس جاری کردیا گیا۔ لاہور ہائی کورٹ کے ملتان بینچ نے چیئرمین پی سی بی نجم سیٹھی کو توہین عدالت کا نوٹس جاری کردیااور عدالتی احکامات پر عمل درآمد نہ کرنے پر 15 روز میں جواب طلب کیا گیا ۔ ملتان کے کرکٹ آرگنائزر علاﺅالدین نے ڈسٹرکٹ کرکٹ ایسوسی ایشن لودھراں کے سیکریٹری عقیل احمد اور صدر راﺅ عمر جاوید کے تقرر کو چیلنج کرتے ہوئے کارروائی کا مطالبہ کیا لیکن ڈپٹی چیف الیکشن کمیشن نے ٹال مٹول سے کام لیا جس پر علاؤالدین نے لاہور ہائی کورٹ کے ملتان بینچ سے رجوع کیا۔ عدالت نے پی سی بی کے ڈپٹی چیف الیکشن کمیشن کو مذکورہ عہدیداروں کے خلاف کارروائی کا حکم دیا تاہم پی سی بی نے کوئی پیش رفت ن کی، درخواست گزار نے لاہور ہائی کورٹ ملتان بینچ میں ایک اور درخواست میں مؤقف اختیار کیا کہ پی سی بی حکام 9ماہ گزرنے کے باوجود عدالت عالیہ کے احکامات کو نظر انداز کر رجس پر جسٹس مرزا وقاص رؤف نے چیئرمین پی سی بی نجم سیٹھی کو توہین عدالت کا نوٹس جاری کرتے ہوئے ان سے 15 روز میں جواب طلب کرلیا ۔

متعلقہ خبر یں

روزانہ خبریں اور اس کی پالیسی کا کمنٹس سے متفق ہونا ضروری نہیں۔